Davao City – Gilaumang hayag ang mga oportunidad sa katawhan alang sa mga bag-ong trabaho ug arang-arang nga mga benepisyo sa mga trabahante karong tuig 2018.
Kini maoy gibutyag ni Department of Labor and Employment (DOLE) Sec. Silvestre ‘Bebot’ Bello III sa interbyu kaniya sa kanunayng numero unong social commentary nga tulumanong ‘Straight to the Point’.
Kabahin sa nahitabong sunog sa NCCC mall, nagmugna sila karon og komitiba alang sa pagsuta sa kawsa sa maong insidente kinsa gipangulohan kini ni Usec. Joel Maglunsod diin matud ni Sec. Bebot, mihatag siya og pito ka adlaw alang sa resulta.
Lantawon sa maong imbestigasyon ang accountability sa NCCC ug SSI kalabot sa compliance sa mga labor and safety standards.
Sa pikas bahin, malaumon gihapon si Bello nga adunay laing tsansa ang peace process bisan pa man kun gikansela na ni Pres. Rodrigo Duterte ang peacetalks ug gideklara nga usa ka teroristang grupo ang CPP-NPA-NDFP.
“Pero ako nagtoo na our president’s legacy of peace is still there, wala gihapon ko nag give-up,” segun sa kalihim kinsa mao usab ang Government Lead Negotiator sa na-unsyameng GPH-NDFP peace negotiations.
RadyoMaN Jason Amisola
