Bench Warrant nga gin-isyu batuk kay anay Sara Mayor Neptali Salcedo, gin-recall na sang Sandiganbayan..

Gin-recall na sang Sandiganbayan ang gin-isyu sini nga bench warrant batuk kay anay Mayor Neptali Salcedo sang banwa sang Sara, Iloilo.
Ini ang ginpahayag ni Police Inspector Pedro Celino sang CIDG Iloilo-Guimaras.
Suno kay Celino nga ginpadala sa ila opisina sang Setyembre 4, 2017 ni Board member Jeneda Salcedo ang recall order sang Sandiganbayan nga napetsahan Agosto 31, 2017.
Bangud sini, wala na sang rason suno sa iya agud arestuhon pa ang anay alkalde sang nasambit nga banwa.
Madumduman nga ginserebe sang CIDG Iloilo-Guimaras ang bench warrant batuk kay Salcedo sang nakaligad nga Agosto 28 apang wala ini sa ila balay kabangdanan wala ini maaresto sang mga otoridad…(sspunay)