Tagpaabot nan mga kadagkoan sa Land Transportation Office o LTO dire sa probinsya na jaoy na listahan nan mga benepisyaryo nan Pantawid Pasada Program Discount cards nan LTFRB, ubos sa Department of Transportation o DOTR sa Caraga region, ini an taghatag na impormasyon ni Engr. Manuel Del Carmen an hepe sa Land Transportation Office nan SDN Disrict II. Sa exclusibong pakighinabi kan Engr. Del Carmen, nahibaw-an na an mga listahan an tagpanhatag na sa mga nagkalain-laing lehitimong organisasyon nan mga drivers, dire sa syudad ug sa iban na mga lungsod suyod sa probinsya. Dugang pa ni Engr. Del Carmen, na waya nija masiguro kun pila ka benepisyaryo an nalista para sa probinsya. Samtang, awhag pa ni Del Carmen, na para masiguro nan mga drivers na naapil sila sa listahan, pwede sila mutawag sa LTFRB-caraga na nahimutang didto sa Butuan City, ug an pagtan-aw sa listahan sa ila mga tagsa2 ka mga drivers’ organization. Kun kahinumdoman, sa impormasyon na nakuha isab nan RMN Surigao gikan kan Ms.Tina Cassion, an spokesperson nan DOTR Caraga, na an Pantawid Pasada Program Discount cards an may suyod na 5k kantidad na gasolina na pwede gamiton sa mga gasoline station partners, og sa sunod na tuig posible ini tas-an pa o increasan.(RadyoMaN Winston Ensomo)
