Mapintas nga partner gintiro patay sang iya ka-live in nga babaye

425

KABANKALAN CITY, NEGROS OCCIDENTAL – Ginatinguhaan karon sang pulis nga mahibaluan kon diin naghalin ang armas nga gin-gamit sang isa ka babayi sa pagtiro patay sa iya live-in partner nga lalaki sa Brgy. Bantayan, Kabankalan City pasado las 8 kagab-i.

Nakilala ang biktima nga si Felicimo Marquez Jr., 49 anyos ang edad samtang nakilala naman ang iya live-in partner nga nagtiro sa iya nga amo si Rosalie Flores, 47 anyos ang edad, lunsay pumuluyo sang Purok Pukaw, Brgy. Bantayan, Kabankalan City.

Suno sa pagpangusisa sang Kabankalan City Police Station naabtan kagab-i sang suspek sa ila balay ang iya live-in nga si Felicimo nga ginasakit niya ang bata sang babayi nga si Mark Anthony Flores kag ang iya asawa nga si Shane Flores.

Pahayag sang suspek nga nakita niya nga ginahampak sang biktima sang martilyo ang mag-asawa gani ini ang iya gintambagan kag ginhambalan nga mag-untat na.

Apanag suno kay Rosalie wala gid nagpati ang iya live-in rason nga iya gintiro sang calibre .357 nga armas ang biktima kag ini ang na-igo sa iya likod.

Gindala sa Kabankalan City Hospital ang biktima apang ini ang gin-declare dead on arrival.

Sa karon ang suspek nga detained na sa custodial facility sang Kabankalan City Police Station./dyHB BACOLOD

Facebook Comments