Davao City – Gisiguro karon sa Department of Education (DepEd) nga dili maapektuhan ang pagtungha sa mga estudyante sa Bernardo D. Carpio National High School sa Buhangin, Davao human nga nasunog ang pipila ka classrooms sa maong tulunghaan.
Sa pakighinabi sa DXDC RMN Davao kang Jenielito “Dodong” Atillo, spokesperson sa DepEd-XI, gibutyag niini nga usa sa ginalantaw karon nga solusyon sa problema mao ang pag utilize sa mga pasilidad nga maggikan sa ubang tulunghaan.
Saysay ni Atillo na gipangitaan na karon og pamaagi sa DepEd-XI nga mahatagan og assistance ang eskwelahan ingon man ang posibleng paghiram og gamit sa kasikbit nga eskwelahan aron adunay magamit ang mga estudyante pag abri sa klase.
“We have a lot of schools which can actually provide. Kadtong mga eskwelahan nga nag offer usab og senior high school offering like dressmaking, wellness massage ug cookery,” saysay ni Atillo.
Samtang gipaklaro usab sa DepEd-XI spokesperson nga dili bag-o ang maong building nga nasunog kundili 20 anyos na kini sukad nga natukod.
RadyoMaN Kirby Manzon
