Kini nga kadung-ganan nag tumbok sa Malaybalay City Police Office isip Best City Police Station sa mga Component City sa tibuok Rehiyon 10.
Nasayran nga ang mga nahimong basihan sa maong kadungganan mao ang makanunayong pag mintinar sa kahapsay ug kalinaw sa dakbayan lakip na niini ang pagpakusog sa relasyon sa mga tinugyanan sa balaud ug ang mga anaa sa komunidad.
Samtang mapasalamaton usab si Police LtCol. Ritchie Anoy Salva ang hepe sa kapolisan ning syudad sa padayong suporta nga gihatag sa lokal nga pangagamhanan sa dakbayan sa Malaybalay diin usa kini sa rason nga nagmalamposon sila sa mga tahas nga gihatag ngadto kanila ug ma-implementar ang mga operation sa matag adlaw.
Subay niini mas gipahugtan usab sa hugpong sa kapulisan ang Police Visibility ug Inspection sa commercial lakip mga residential sa syudad para masiguro ang pagmintinar sa kahapsay ug kalinaw sa dakbayan.
