Best practices on Literacy sa Butuan mi-qualify sa nasyunal competetion

31

Gikalipay sa Department of Education (DEPED) Butuan City Division human nalakip kini sa mga shortlisted sa Best Practices sa Literacy ubos sa kategoryang Highly Urbanized City sa tibook nasud Pilipinas.
Sa interview sa RMN DXBC Butuan ni City Schools Division Superintendent Dr. Marilou Dedumo gibutyag niini nga adunay tulo ka mga best practices ang DEPED Butuan nga nakakuha ug dakung puntos sa nasangpit nga indigay.
Usa niini nga mga best practices mao ang programang ‘Arm to Farm’ kung asa gitudloan sa kahibali sa pag-uma ang mga kanhi sakop sa rebelding New Peoples’ Army (NPA) sa Brgy. Tungao ning dakbayan sa Butuan.
Lakip sa mga best practices ang ‘Empowering Women’s Association’ sa Brgy. Dulag ug Alternative Learning System (ALS) Literacy Cum-Livelihood.
Kaabag sa DEPED sa maong progama ang LGU Butuan, Department of Agriculture (DA), Department of Labor and Employment (DOLE) ug Technical Education and Skills Development Authority (TESDA).
Gipasigarbu ni Dr. Dedumo nga miresulta sa paglambo sa kinabuhi sa mga membro ang gihatud sa programang literacy sa DEPED uban ang hugot nga suporta sa LGU Butuan.
Gikalipay usab ni Konsehal Gleen Carampatana, chairman sa committee on education sa Sangguniang Panglungsod sa maong kalampusan.
Gipasalamatan usab ni Carampatana ang LGU Butuan pinaagi ni Mayor RCL sa tabang nga gihatag niini sa maong programa. [image: dep ed logo.jpg] 1515

Facebook Comments