Ginkalipay sang beterano nga actor nga si Gabby Concepcion ang mabinungahon nga karera sa karon sa patag sang pulitika sang anay bestman sini sa kasal sa anay asawa nga si Sharon Cuneta.
Sa exclusive interview sang iFM News, ginpalayag ni Concepcion nga bug-os ang suporta sini sa suod nga abyan nga si Congressman Alfredo B. Benitez sa tion nga magdesisyon ini nga magpapili sa mas mataas pa nga palangakuan sa pulitika sang pungsod.
Sa ginpatigayon nga Basic Membership Seminar kag Mass Oath-taking Ceremony sang Partido Demokratiko ng Pilipinas – Lakas ng Bayan ukon PDP-Laban sang nagligad nga Octobre 5, 2017 sa Victorias Colisium sa diin kapin 10 mil ka mga lokal nga lideres sang probinsya ang nagsumpa sa partido, nangin maathag sa mga tumalambong ang ginpakita nga suporta sang aktor sa karun tiglawas sang ikatatlo nga distrito sang probinsya.
Ginsaysay pa ni Concepcion nga sadto pa sang mga lamharon pa sila sa Manila nagsugod ang ila nga pag amigohay ni Benitez tubtub sa karun.
Dugang pa sang Ika-6 na Utos star nga sadto pa niya kilala ang pagkamabinuligon sang Negrense congressman bisan pa nga estudyante palang ini sadto. *JSJ*
—————–
Like our official Facebook page: www.facebook.com/ifmbacolod943
