BFAR-9 Gihimakak nga nangilog sila ug yuta sa katwahan sa brgy. San Pedro Dapitan.

16

Hugtanon nga gipangulipas sa taga Bureau of Fisheries and Aquatic Resources (BFAR) nga nangilog sila ug yuta sa katawhan nga nanimuyo sa may brgy. San Pedro, Dapitan city, tungod kay gipanag-iya kana sa gobyerno ug angayan lang gamiton sa ilang mga proyekto sama sa dakbalay nga ilang gitukod karon nga iya sa National Fisheries Research and Development Institute (NFRDI).

Usa sa ilang lig-on nga basehan nga ilang ge huptan karon mao ang National Registration no. 09-03-000001 penetsahan ug Marso 10, 1975 nga nagpamatuod ang maong luna gipanag-iya mismo sa gobyerno. Adunay gidak-on nga 74, 875m2 (7.4ha) ug gitawag kini nga BFAR Reservation area kini ang gi butyag ni BFAR Admin Officer Abubakr Abdullah.

Ang ilang gika problema karon sa taga BFAR tungod kay bisan aduna silay papel nga iya kana sa gobyerno apan moabot sa 2.8ha ang natituluhan unya anaa sulod sa reservation area samtang 5ha usab wala na titulohan. Ang luna nga iya sa BFAR gikan mismo sa gitukod nga Cold Storage padulong sa bag-ong gitukod nga dakbalay sa NFRDI.

Matod ni Admin Officer Abdullah kun moabot ang panahon nga ilang gamiton na ang yuta posible nga magkagubot gayud sila kay pikas ug pikas adunay gihawiran nga mga papel.

May kalabot usab sa gitukod nga dakbalay mao na ang ilang pasilidad gikan sa Lala, Lanao del norte nga usa ka research institute ug ila kining gidala sa dakbayan sa Dapitan, para mapahimuslan.

Mahimo kining BFAR research ug traning center sa tibuok Zamboanga Peninsula ug dili lang kay rehiyon 9 ang mohimulos kun dili ang tibuok nasud sa pilipinas para magtuon sa bag-ong pamaagi sa BFAR.

Facebook Comments