Nisaad si Bureau of Fire Protection Region 7 Director , Sr. Supt . Samuel Tadeo nga iyang imbistigaron ang pasangil nga way naabtan ngs bomber sa estasyonan , atol sa pagkahitabo sa sunog sa Dalaguete Foodlane kagahapon sa alas 8:00 pasado sa buntag .
Tungod kay way available nga bomber unya nakadaku na ang sunog, napugos ang hepe sa Dalaguete Police Station nga si Chief Inspector Rolan Aliser sa pagmando sa iyang sakop nga si PO1 Aniceto Salonoy nga drayban ang trak sa bombero aron mada kini sa fire scene sa Barangay Poblacion .
Pag-abot sa firetruck sa lugar sa sunog , naabot usab ang duha ka bomber nga mao nay nipasirit sa tubig paingon sa mga tindahan nga gikaon na sa kayo .
Tungod niini matud ni Tadeo iyang himoon ang imbitigasyon karong Lunes aron matumbok kung duna bay angay nga manubag sa maong hitabo .
Lima ka stalls ang naugdaw sa sunog nga nidanyos ug kapin sa P300 mil pesos.
