Malaybalay City, Bukidnon – Gitambagan sa Bureau of Fire Protection kon BFP Region 10 ang publiko nga likayan na lang ang paggamit sa pabuto karong pagsugat sa pasko ug bag-ong tuig.
Sa interview sa RMN Malaybalay ngadto kang BFP 10 regional spokesperson Noli dela Rita, gibutyag niini nga subay sa pag-apruba sa Executive Order No. 28 nga nagtakda sa hugot nga sumbanan sa paggamit sa mga pabuto.
Matud ni Dela Rita nga luyo sa pagsunod agig tradisyon natong mga Pinoy apan katugbang usab niini ang peligro ug risgo sa sunog ug pagkaputol sa kuyamoy sa kamot sa mga mag buthan niini.
Una nang gibutyag sa DOH nga target nila ang zero firecracker incident, sa pagsugat sa Pasko ug Bag-ong Tuig.
Alayon niini ilang gilusad ang kampanyang “Oplan:Iwas Paputok, Fireworks Display ang Patok! Makiisa sa Community Fireworks sa Inyong Lugar.”
