Davao City – Na-obserbahan karon sa Bureau of Fire Protection (BFP) nga wala kaayoy display sa Christmas lights sa panimalay o bisan manaygon sa taliabot nga Pasko kung itandi sa milabay nga tuig.
Sa interbyu sa DXDC RMN Davao kang Senior Fire Officer (SFO) 3 Ramil Gillado gibutyag niini nga posibleng kalisod ang hinungdan nganong wala kaayoy mga display nga dekorasyon sa Pasko sa mga panimalay.
Segun ni Gillado nga posibleng gikonsidera sa nahisgutan ang kalidad sa mga dekorasyon diin kinahanglan gayud nga mugasto alang sa mga kalidad nga produkto.
“Siguro aside sa kining medyo pait ang tawo, mura’g siguro naga conserve pud siguro ang tawo sa kung usay ilang pwede i-priority labi na nga decorations mahal,” saysay ni Gillado.
Pahimangno ni Gillado nga kung mupalit man og materyales pang dekorasyon, siguradohong kini kalidad aron malikayan ang mga insidente sama na lamang sa sunog.
RadyoMaN Kirby Manzon
