Gihingusgan karon sa Bureau of Fire Protection kon BFP – Malaybalay nga makabaton ug ordinansa ang siyudad nga kinahanglang butangan ug mga fire extinguishers ang mga sakyanan, ilabina ang mga Public Utility Vehicle kon PUV.
Sa interview sa RMN Malaybalayngadto kang Malaybalay City Fire Marshal Senior Inspector Lloyd Villaroya gibutyag niini nga mao kini ang iyang gikonsiderang lakang himoon human ang nahitabo pagkasunog sa RTMI bus tungod sa electrical wiring short circuit sa dakbayan sa Malaybalay niadtong adlaw nga Dominggo.
Gipasabot ni Villaroya nga dili unta mahitabo nga mudako ang kalayo kung aduna pay fire extinguisher ang mao nga bus.
Matud ni Villaroya nga bisan pa man nga makonsiderang isolated ang mao nga insidente apan iyang gitan-aw karon nga mahingusgan nga mabutangan ug mga fire extinguisher ang mga sakyanan ilabina ang mga bus, tracks ug bisan mga pribadong sakyanan.
Sigun ni Villaroya nga isip lakang nga ilang himoon, ilang pahugtan pa ang paghimo ug inspeksyon sa mga PUV ug uban sa mga track sa mga industrial company.
Gidugang niini nga iyang hingusgan ma adopt sa Sangguniang Panlalawigan ning siyudad sa Malaybalay ang fire code of the Philippines aron mas mahimong luwas kung adunay mga fire extinguisher ang mga sakyanan.
