Pagadian City – Subli nga nagpahimangno ang labaw sa Bureau of Fire Protection Pagadian nga si Fire Marshal Chief Inspector Dionesio Cayudong ngadto sa katawhan sa syudad nga mag-amping sa pagpamalit ug mga Christmas Decorations sama sa Christmas lights ug uban pang dekorasyon nga gamitan ug kuryente.
Sumala niini nga angayang pilion kadtong mga produkto nga dili substandard aron makalikay sa sunog dungan na usab sa selebrasyon sa nagsingabot nga kapaskuhan. Angay paliton sa mga konsumante ang dunay sticker nga tatak- Philippine Standard (PS) o Import Commodity Clearance (ICC).
Bisan anaa sa pandemya sa covid-19 ang kalibutan, dili ikalilong nga ang mga katawhan hilabina dinhi sa nasud Pilipinas dili gyud malikayan nga magsaulog gihapon ug sa Kapaskuhan kung asa anaa gihapon ang tradisyon sa pagtaod og mga Christmas lights mao nga padayon ang ilang pahimangno nga mag-amping kanunay aron usab malikayan ang mga disgrasya ilabina ang sunog.
