General Santos City–Hugtanong gipatuman karon sa BFP Polomolok ang ilang kampanya sa Oplan Iwas paputok.
Sumala ni Fire Sr. Inspector Julio Begabo, labaw sa BFP Polomolok nga sa karon mas gipahugtan pa nila ang ilang monitoring sa kinatibuk-ang lungsod aron sayron kung dunay namaligya ug mga iligal nga pabuto.
Tumong niini aron nga masigurong sila dili malutsan niining mga negusyanteng gapalusot ug mga iligal nga pabuto.
Giangkon ni Fire Sr. Inspector Begabo nga sa kasamtangan wala pay ni-apply nga mga vendor ug pyrotechnics ngadto sa ilang buhatan.
Wala usab siya masayud kung aduna bay balaod ang lungsod nga nagbawal sa pabuto panahon sa pasko ug bag-ong tuig.
Mas pabor usab ang opisyal nga magpahigayon nalang ug community fireworks display tungod mas luwas ug malikay sa disgrasya ang katawhan batok pabuto.
