Davao City – Tungod sa sunod-sunod nga natalang sunog sa syudad sa Davao, gipahimangnoan sa Bureau of Fire Protection (BFP) ang publiko nga magdoble amping aron kalikayan ang mga insidente sa sunog.
Sa intebyu sa DXDC RMN Davao kang Fire Supt. Alex Pamaybay, Davao City Fire Director, nga kinahanglang mag igmat batok sunog ang mga residente labi na kadtong dikit-dikit, ang mga balay sama sa nahitabo sa Purok IKP ug San Jose, Brgy. Duterte, Davao City niadtong Martes (Marso 9, 2021).
“So dapat kitang katawhan karon labi na dinhi sa syudad sa Davao, labi na kadtong dikitdikit ang balay, mag amping gyud ‘ta kanunay kay ingon ani inubanan pud sa kusog nga init unya hangin daplin sa dagat (kadtong sa Agdao). Mao ‘nay hinungdan nga magsunog,” segun ni Pamaybay.
Matud ni Pamaybay, ang Marso gikonsiderang Fire Prevention Month diin sa tibuok tuig, ang Marso ang nagbaton sa pinaka-init nga temperatura labi na niadtong wala pay climate change, apan angay ikonsiderang fire prevention, ang matag adlaw tungod kay walay gipiling panahon ug oras ang sunog. |
RadyoMaN Kirby Manzon
