Nagpahimangno ang bag-ong labaw sa Bureau of Fire Protection Gensan nga si Fire Director Lowen Amoyar ngadto sa katawhan sa Gensan nga mag-amping sa pagpamalit ug mga Christmas Decorations sama sa Christmas lights ug uban pang dekorasyon nga gagamitan ug kuryente.
Sumala niini nga angayang pilion kadtong mga produkto nga dili substandard aron makalikay sa sunog dungan na usab sa selebrasyon sa nagsingabot nga kapaskuhan.
Bisan anaa sa pandemya sa covid-19 ang kalibutan,dili ikalilong nga ang mga katawhan hilabina dinhi sa nasud Pilipinas dili gyud malikayan nga magsaulog gihapon ug sa Kapaskuhan kung asa anaa gihapon ang tradisyon sa pagtaod ug mga Christmas lights mao nga padayon ang ilang pahimangno nga mag-amping kanunay aron usab malikayan ang mga disgrasya hilabina ang sunog.
