Davao City – Miabot na sa 91 ang natalang insidente sa sunog dinhi sa dakbayan sa Davao gikan sa Enero karong tuiga hangtud ning panahon sa atong pagsibya.
Sa pakighinabi sa DXDC RMN Davao kang Bureau of Fire Protection (BFP) Intelligence and Investigation section chief senior fire officer (SFO) 3 Ramil Gillado, gibutyag niini nga mas taas kini itandi sa susamang panahon sa milabay nga tuig diin anaa sa 70 ka insidente sa sunog ang natala.
Subay niini, matud pa ni Gillado nga ilaha pang pakusgan ang ilang kampanya batok sa sunog labi na sa pagsulod sa bulan sa Marso nga gikonsiderang Fire Prevention Month.
“Mag conduct na ta og intensification sa pag conduct of fire safety awareness seminar sa atong katawhan diri sa Davao.” matod ni Gillado.
Pipila sa ilang nakalinyadang aktibidad mao ang pagpahigayon og fire safety awareness seminars sa kabarangayan, fire safety inspection sa mga business establishments sama sa mga malls, hospitals ingon man mga eskwelahan ug uban pa.
RadyoMaN Kirby Manzon
