Davao City- Nag-una gihapon nga kawsa sa mga sunog sa dakbayan sa Davao ang electrical related.
Sa interbyu sa RMN Davao kang Fire Supt. Alex Pamaybay, Davao City Fire District chief nanawagan kini sa publiko nga siguraduhon nga ang mga linya sa kuryente dili mabasa o madaot tungod sa sagunson nga pag-ulan nga posibleng tinubdan sa sunog.
“Atong i-see to it nga ang atong mga connection sa balay dili gyod maigo sa tubig kay once maigo na siya water is a good conductor of electrical equipment biya, posibleng madisgrasya nga maoy hinungdan nga masunog ang atong panimalay,” sumala niini.
Ubay-ubay na usab ka mga pamilya ang girespondehan ug gi-rescue sa mga personahe sa BFP XI tungod sa nahitabong pagbaha sa dakbayan, giaghat niini ang katawhan nga namuyo sa low lying areas o bahaunon nga dili na magpaabot nga i-force evacuation pa aron dili mabutang sa peligro ang ilahang mga kinabuhi ug sa tanang mga responders.
RadyoMaN Aimee Guinita
