Davao City – Subli gihapong nagpahinumdom ang Bureau of Fire Protection (BFP) ngadto sa katawhan nga kanunayng mag-amping aron malikayan ang insidente sa sunog.
Sa interbyu sa DXDC RMN Davao kang senior fire officer (SFO) 3 Ramil Gillado, ang hepe sa Bureau of Fire Protection (BFP)-XI, gibutyag niini nga angay mag-amping ang publiko labi na nga sagad matala ang mga insidente sa sunog diha sa mga residential areas.
Nagpahimangno usab si Gillado nga kung aduna may mga problema sa linya sa kuryente o kinahanglang i-repair, angay kining i-konsulta sa gilayon sa mga certified electricians.
Gi-awhag usab ni Gillado ang publiko nga suportahan ang kampanya sa BFP nga Oplan Ligtas Pamayanan sama sa mga aktibidad sa BFP sa komunidad labot sa mga aksyong himuon aron malikay sa insidente sa sunog.
“Atoang gina-ecourage ang atong community, mga tag-iya sa mga balay, naay ginabuhat nga Oplan Ligtas Pamayanan. Naga coordinate ang atoang mga bombero sa community,” saysay ni Gillado.
RadyoMaN Kirby Manzon
