General Santos City- Dili makatoo ang usa ka batan-ong taga Gensan nga mapatik ang iyahang kaugalingong gama og mapansin ang iyahang desinyo sa kalibutan sa fashion human nga ma-feature kini sa usa ka fashion magazine sa Amerika.
Ang 25 anyos nga si Jay Cabatingan, ang nagsugod pa lamang sa kalibutan sa fashion ang diha-diha dayon napansin ang iyahang mga gama ni Derek Tokarzewski, tag-iya sa usa ka World Class designer Magazine sa US.
Matud pa ni Jay nga Hunyo 3 unang girampa ang iyahang Royal in the Darkness Classic Haute Couture kon diin napansin ni Derek.
Og nagsugod ang kasibot nga i-feature kini sa maong magazine.
Ang World Class desiger Magazine ang magazine sa US nga anaa ang mga nagkadaiyang mga designs sa sanina, og mga sikat nga mga fashion designers sa tibook kalibutan.
Sumala pa ni Cabatingan nga dakong kalipay ang iyahang gibati sa maong paghatag og pagtagad sa iyahang mga designs bisan pa man sa iyahang kabatan-on sa fashion world.
Og kini ang iyahang mamahimong sumbanan og inspirasyon aron nga mamahimong maayo pa sa iyahang napiling natad.
Photo by: Jay Cabatingan
