Koronadal South Cotabato- Bida ang usa ka taga South Cotabato human nga malampuson niini naabot ang base camp sa Mt. Everest.
Siya mao si Lennard Jan Ponce nga tumandok sa Polomolok South Cotabato kon diin 9 ka adlaw ang iyahang gigahin aron nga sakaon ang base camp sa Mt. Everest nga moabot sa 5,500 meters ang gitas-on.
Sa interbyu kaniya sa RMN GENSAN via facebook, nga gisugdan niini ang pagsaka ang pinakataas nga bukid sa kalibutan kaniadtong Setyembre 17 hangtod Setyembre 25 kauban ang upat ( 4) pa ka mga pinoy mountaineers.
Dili matud pa basta-basta ang pagsaka sa base camp kon diin gipanukaran niini ang trekking gikan sa Lukla , Nepal.
Saysay niini nga sa upat ka mga pinoy, duha lang sila ang malampusong nakabalik tungod sa ang duha ka mga kaubanan ang nagkasakit og gikinahanglan ang helicopter aron nga ma-rescue ang duruha.
Setyembre 25, naabot nila ang base camp agi sa usa sa mga pinaka-delikadong dalan, og ingun katugnaw sa klima, kagutom, og kakapoy.
Sumala pa niini nga kinahanglan nga sutaon usab pag-ayo ang suplay sa oxygen, altitude, og kahimtang sa blood pressure.
Si Ponce ang nanarbaho isip wilderness emergency technician armed forces hospital sa Saudi Arabia.
Wala man matud pa naabot ang pinakatumoy sa Mt. Everest tungod sa nanginahanglan og dakong salapi nga moabot sa 4 milyon ka pesos apan wala siya nawad-an og paglaom aron nga makab-ot sa ginahandom sa tanang mga mountaineers nga masaka ang kinatumyan sa yuta sa kalibutan nga mao ang 8,858 metros nga Mt. Everest.
Bida Ka! Sir Lennard.
