Uyab-uyab pa sauna, ang simple nga away, tambalan sa simple nga lambing ug isturya. Masuko gani siya, palitan ra nakog buwak ug chocolates, sulbad na ang problema. Mag-atang sa trabahuan, kay siguradoon nga mahatod siya ug makuha. Mananghid sa ginikanan ug tarung, dapat naay approval tanang buhaton. Dapat kahibaw sila sa amung mga lakaw ug bakasyon. Loving, sweet jud siya sauna pa, mas nainlove jud ko niya. Bisag kapila pa ko maawayi ug masagpai, gugma man lage, Magpaubos ta kay siya man ang pinalabi.
Karun nga minyo na mi, Daghang mga kausaban nga makaliki. Ang mga naandan sauna, nalahi Ang mga away, mas nigrabe Di magtingog hapit hangtod gabii. Pero kay gugma man lage, ang garbo, ipaubos nalang ni
Maayo nalang gani, sa buntag ana, magdungan ra sad mig pangape Ang iyang tingsi sa adlaw, makagaan sa gibati. Bahalag maghilak ang semana nga way away, basta kay kanako gihapon siya muuli. Ang uyab-uyab ug kaminyoon managlahi Pero tagai jud ug bili ang relasyon, mao nay importante Hunahunaa ang panahon nga naningkamot kang ikaw sugton, Di lalim pero antuson Kay gugma man lage.
Mao nang kung mangutana ang kadaghanan, Nganung siya pa man? Wala koy laing matubag kun dili ang, Tungod kay GUGMA MAN LAGE.
