Nagsurender ang Bangsamoro Islamic Freedom Fighter (BIFF) Commander upod ang 10 ka mga followers sini sa 33rd Infantry Battalion sa idalom sang Joint Task Force Central sa Barangay Kuloy, Shariff Aguak, Maguindanao.
Ginpahayag ni Lieutenant Colonel Benjamin Cadiente Jr., Commanding Officer sang 33IB nga ang pagsurender sang mga miyembro sang BIFF ang paagi sa bulig nanday Hon. Remmy Degay kag Hon. Mohamad Dawaling, pareho Chairperson sang barangays Kuloy and Tapikan, Shariff Aguak, Maguindanao.
Lakip sa ginsurender sang 11 ka mga miyembro sang BIFF ang 60mm Mortar, 2 ka Caliber .30 Barret Rifle, M14 Rifle, 2 ka Caliber .30 M1 Garand Rifle, Caliber 5.56mm M16 Rifle, Caliber .45 Pistol, Caliber .45 Thong Ram Submachine Gun, 2 ka Improvised Explosive Devices kag mga bala.
Ginkumpirmar ni Colonel Pedro C. Balisi Jr., Commanding Officer sang 1st Mechanized Brigade ang 11 ka mga former violent extremists ang sa idalom sang BIFF-Karialan Faction.
May-angot sini, makabaton naman sang livelihood packages kag assistance ang mga surrenderees sa idalom sang AGILA-HAVEN Program.
