General Santos City— Nagdeklara na ug kadaugan ang rebeldeng Bangsamoro Islamic Freedom Fighter kon BIFF batok sa tropa sa gobyerno human ang natigayong engkwentro human matud pa nga gipangbilin sa sundalo ang ilahang mga sakyanan.
Sumala ni Abu Misri Mama, tigpamaba sa BIFF nga ilahang napildi sulod sa tulo ka adlaw nga bakbakan ang mga sundalo gumikan sa daghan nilang ihap. Pagpaklaro ni Mama nga usa lang namatay sa lahang han-ay ug lima ang samdan sukwahe sa pagtuo sa militar nga ubay-ubay ang namatay sa ilahang han-ay.
Pasigarbo niini nga beterano sa gyera ang ilahang grupo ug kabisado nila ang lugar rason nga kabalo sila kung asa mutago higayon nga mu-atake ang militar.
Hugot man usab nga gipanghimakak ni abu misri mama ang kamatayon sa usa nila ka bomb expert ug anaa na sa maayong kondisyon si Kumander Marok human masandam sa maong engkwentro.
Sumala niya nga preparado matud pa sila kanunay ilabi na nga sa mga bakbakan nga inahimo sa militar. Dili matud pa sila muundang sa pagpaigayon ug mga pagpangharass ug mga pagpangatake hangtud nga dili nila makuha ang ilahang gusto.
