General Santos City— Walay labot ang Bangsamoro Islamic Freedom Fighters sa pagpasar ug pagpirma sa Bangsamoro Organic Law. Kin iang gibutyag ni Abu Misri Mama, tigpamaba sa rebeldeng BIFF.
Sumala niya nga usa sa hinungdan sa ilahang pag-rebelde sa gobyerno mao ang dili nila pag-uyon sa mga balaud nga na-aprubahan sa enado ug kongreso. Busa bisan ug aduna nay B.O.L magpadayon gihapon sila sa ilahang ginapakigbisugan.
Dugang pamahayag Ni Abu Misri Mama nga dili pasabot ilaha ng kalabanon ang sektor sa muslim nga mi-uyon sa Bangsamoro Organic Law. Sumala pa niya nga sila sa BIFF, balaud sa Islam ang ilahang ginapatumanug dili ang unsa mang balaud nga ginapatuman sa nasud.
Samtang positibo man usab si Abu Misri Mama nga maangkon gihapon sa mindanao ang kalinaw apan dili pinaagi sa bangsamoro organic law. Pamahayag niya nga padayon ang ilahang pakigbisog batok sa gobyerno aron nga maangkon ang kalinaw nga gusto nilang mahitabo sa Mindanao.
Busa wala matud pa silay ginapangayo nga unsa mang butang o mga balaud gikan sa gobyerno. (Lore Romualdo)
