Davao City – Patay ang usa ka lalaki human nga matud pa misukol sa otoridad human nga gisilbi ang search warrant alas 3:30 kaganinang kadlawun sa Purok 16, Barangay Madaum, Tagum City, Davao del Norte.
Sa report gikan sa Philippine Drug Enforcement Agency kun PDEA XI, giila ang na-neutralisa nga si Jay-ar Abayon Tulod nga matud pa mibunlot sa iyang .38 revolver ug nakigbayloay og bala sa mga operatiba hinungdan sa iyang kamatayon.
Gidala pa sa balay-tambalanan si Abayon apan gideklara na kining dead on arrival.
Narekober sa otoridad atol sa anti-drug operation ang kapin kun kulang 55 grams sa gituohang shabu nga adunay street value nga gibana-banaang Php 660,000.00 ug drug paraphernalias.
Padayong panawagan sa PDEA ngadto sa katawhan nga makig alayon kanila sa kampanya batok iligal nga droga pinaagi usab sa pagtext o tawag sa 082-222-3045, 09395433405 or 09331481387 og adunay mga nahibal-an nga nalambigit sa illegal drugs.
RadyoMaN Renz Barbarona
