*Davao City – Nasikop sa otoridad ang gikonsiderang big time pusher alas 8:40 kagabii, Hulyo 2, 2018 sa Queens Avenue, Royal Valley, Bangkal, Davao City.*
*Giila ang dinakpan nga si Russel Sangalang Arias alyas Russel, 42 anyos, ug residente sa nasangpit nga lugar.*
*Sa report gikan sa Philippine Drug Enforcement Agency kun PDEA XI, naaresto si Arias sa pagpamaligya og usa ka medium pack sa gidudahang shabu nga mukantidad og 22,000 pesos ug mutimbang sa lima ka gramo.*
*Lakip narekober ang lain pang 3 ka dagko nga packs ug 3 ka medium pack sa gituohang shabu nga mukantidad og 420,000 pesos, 20 pieces sa empty plastic sachets, digital weighing scale, assorted drug paraphernalia ug buy-bust marked bill.*
*Ang dinakpan balhug na sa Talomo PNP samtang gipasaka na ang kasong Section 5, Section 11 ug Section 12, Article II of Republic Act 9165 kun Comprehensive Dangerous Drugs Act of 2002 batok sa big time pusher.*
*Ang maong buy bust operation gilusad sa hiniusang pwersa sa Talomo PNP ug PDEA XI.*
*RadyoMaN Renz Barbarona*
*tags: DXDC 621 RMN Davao*
