Davao City – Gi-awhag karon ni Davao City Vice Mayor Bernard Al-ag ang Davaoeños nga mas mamahimong maigmaton sa ilang palibot.
Subay kini sa nahitabong pagpusil-patay kang Tanauan City Mayor Antonio Halili kagahapong adlawa atol sa flag raising ceremony atubangan sa Tanauan City Hall.
Sumala ni Al-ag nga kung adunay makita nga sitwasyon ingon man impormasyon nga madungog may kalabutan sa seguridad sa bisan kinsa – opisyal man o dili sa syudad sa Davao, mamahimong ipahibalo ngadto sa ilang kabarangayan o bin ba kaha sa mga awtoridad aron malikay sa posibleng peligro.
“I hope we can prevent this kind of ‘situation’ in the city,” segun niini.
Malaumon usab si Al-ag nga mas pahugtan pa sa Davao City Police Office (DCPO) ang ilang programa sa pagprotektar sa katawhan ilabi na sa mga barangay ug city officials.
RadyoMaN Jason Amisola
