Big time pusher ug mag live-in partner dakpan sa buybust
General Santos City—sikop ang mag live-in partner nga pusher samtang dakpan usab ang ilang supplier sa gihimong drug operation sa City Drug Enforcement Unit (CDEU) sa area sa Barangay Fatima Gensan.
Unang nadakpan si Crisanto Dalogdog 45, ug live-in niini nga si Lailane Coloso pulos residenti sa Prk. 21, Blk., 21, Barangay Fatima human silang napalitan ug gituohang shabu sa nagpakarong-ingnong poseur buyer nga miyembro sa CDEU gamit ang P500.00 nga mark money.
Nakuha sa ilang posisyon ang (11) ka nagkandaiyang gidagkuon sa pakete sa gituohang shabu, (1) unit nga Uzi ug (1) ka unit sa Cal. 45 pistol ug mga buhing bala.
Sunod nga nadakpan ang supplier sa duruha nga si Basser Ladialam, 38, residenti sa 11a blk. 4, Barangay Fatima.
Nasayran nga human nadakpan ang mag live-in partner ilang gitudlo nga si Basser maoy ilang supplier ug shabu nga ilang ginabaligya dinhi sa dakbayan.
Si Police Sr. Inspector Oliver Pauya, hepe sa CDEU nag butyag nga si Basser ang dugay na nilang target gumikan sa pagpamaligya ug iligal nga druga.
Nasayran nga tuig 2016 pa dihang anaa pa nakabasi si Pauya sa City Intelligence Branch, ila nang namonitor ang iligal nga aktibidad sa suspek ug pila na usab ka higayon nilang gipailawom sa operasyon apan misibat kini sa Gensan.
Pila ka bulan ang nakalabay subli kining mibalik ug subling namaligya ug iligal nga druga. Kasong paglapas sa RA 9165 ug RA 10591 ang atubangon sa mga suspek . sa karon ang mga nahisgutan ang kasamtangang balhog sa silda sa Fatima Police Station.
