Tungod sa paglapas sa quarantine protocol, usa ka mall ang gidumog sa mga tao sa Cagayan de Oro ang gipasara kagahapon.
Matud kay Atty. Jose Edgardo Uy, chairperson sa Regulatory Compliance Board (RCB) gipasara sa lokal nga panggamhanan sa Cagayan de Oro sa pagpanguna ni Mayor Oscar Moreno ug RCB ang Limketkai Mall nga nagpahigayon og “bigtime sale” tungod sa paglapas sa physical distancing.
Sigun ni Uy nga dayong gipaundang sa maong mall ang ilang sale.
Nasayran nga gidumog sa mga tao ang nahisgutang mall tungod sa dakong sale sa mga sapatos.
Tungod niini, wala nasunod ang social distancing nga ginapatuman ilawom sa modified enhanced community quarantine (MECQ) guidelines batok sa COVID-19.
Samtang nangayo dayon og dispensa ang mall sa maong insidente tungod wala nila gilauman ang pagdagsa sa mga customer sa ilang clearance sale ug wala napatuman ang social distancing.
