Davao City – Napasakahan og kaso sa Investigation and Detective Management Branch (IDMB) sa kasong large scale stafa ang big time scammer nga si Maria Elma Grace Corona nga taga-Panabo City alas 4:20 sa hapon kagahapon.
Kahinumdoman nga ang suspect nadakpan sa gilusad nga entrapment operation sa IDMB personnel kauban ang pwersa sa Anti-Scam Unit.
Subay sa imbestigasyon sa IDMB, ang dinakpan human nakadispalko og kapin 200 million pesos nga gikan sa kapin dosientos ka mga membro nga nag-invest sa Jessie Lending Corporation nga nahimutang sa Sasa ning dakbayan.
Sa karon, ang IDMB sa Davao City Police Office (DCPO) nag-awhag sa tanan nga nabiktima sa scam nga mo-file sila og kaso batok kang Corona.
Ang dinakpan gikustodiya sa IDMB sa DCPO.
RadyoMaN Don Pulayao
