Davao City – Lain na usab nga drug pusher ang nadakpan sa kapulisan sa Bunawan human gilusad ang buy bust operation ala 1:10 ang takna sa hapon sa pagpanguna ni PCI Estrello Ramiso didto sa Km 22 Budbud Bunawan siyudad sa Davao.
Sa blotter sa Bunawan PNP ang dinakpan naila usa ka Omar Sahibil Wahab, 26 anyos, nagpuyo sa Purok 5 Blk. 5 Bugac, Ilang ning dakbayan.
Sa dihang gikasa ang buy bust operation, narekober sa kapulisan ang usa ka small transparent heat-sealed sachet nga gituohang shabu nga mutimbang sa .02 nga mokantidad og 500 pesos lakip nakumpiska ang buy bust marked money nga 500 pesos.
Samtang sa Baguio Police Station, nasikop sa kapulisan ang usa ka drug pusher nga naila sa pangalang Roy Doña Del Campo, 28 anyos, usa ka laborer ug residente sa Gomboza St. Brgy. Cabayan, Tibungco ning siyudad human gilusad ang buy bust operation alas 9:45 sa buntag didto sa Purok Mirasol, Brgy. Proper Baguio, sa pagpanguna ni Baguio PNP station commander PSI Merlito Tubig.
Nakuha sa kapulisan gikan sa possession ni Del Campo ang duha ka small sachet nga gituohang shabu, 500 pesos nga marked money, usa ka unit nga cellular phone ug lakip nakuha ang kwarta nga 100 pesos.
Ang duha ka dinakpan balhog na sa kapulisan sa Bunawan ug Baguio PNP ug gihikay na sa kapulisan ang kasong kalapasan sa R.A 9165 Comprehensive Dangerous Drugs Act Of 2002 aron ma-file ngadto sa Korte.
Sa datos sa Bunawan PNP, aduna nay tulo nga nadakpan samtang duha ang nasikop sa Calinan PNP ug ang usa sa Baguio PNP.
RadyoMaN Don Pulayao
