Davao City – Gituohan nga gibikogan sa ugat ang usa sa mga hinungdan ug nganong nalumos patay ang usa ka 18 anyos nga part time worker sa Deca Wake Board Park nga si James Cuestas Alquesar.
Nasayran nga niadto pang adlawng Domingo sa milabayng semana nagsugod sa pagpanarabaho ang biktima apan niadtong adlawng Martes nadisgraya kini sa dihang iyang gilangoy ang island portion sa Deca Wake Board Park.
Base sa report, grabe kainit ang klima sa panahon niadtong higayuna ug nakalitan matud pa ang lawas niini sa tugnaw nga tubig hinungdan nga gibikugan kini ug kalit lang nga midaos os pailawom sa tubig.
Sa interview sa mga kabanay ug mga nakasaksi, naabtan og usa ka oras ang retrieval operation nga gihimo sa ilang kakaubanan sa trabaho usa nila nakita si Alquesar.
Wala pa usab mihatag og statement ang management kun sugton ba nila ang gasto sa pagpalubong sa ilang duha pa ka adlaw nga part time worker employee apan gitubag na niini ang mga galastuhon sa ospital.
Gahapong adlawa nakig duyog ang ilang managemnet sa kasubo sa pamilya ug temporaryo kining gisirad-an ilabi na nga mao kini ang pinaka unang insidenteng adunay nalumos sulod sa maong park.
Sa pagkakaron anaa na sa may Bago Oshiro Tugbok ning syudad gihaya ang patayng lawas sa biktima.
RadyoMaN Paul Canono
