Roxas City, Capiz – Nakilala na ang biktima nga napatay matapos nabunggoan sang bus liner sang nakaligad nga adlaw sa highway sa Brgy Lanot, Roxas City.
Base sa ID nga ginpresentar sa mga kapulisan sang nagpakilala nga gumangkon nga si Violenda Rodrigo y Casaria, nakilala ang nasambitan nga biktima nga si Lolito Casaria y Gardose, 78-anyos ang pang-edaron sang Brgy San Miguel Ilawod banwa sang Tapaz.
Suno diri nga permi nagapanglakaton sa area sang Calinog, Iloilo si Lolito Casaria apang natingala ang mga ini nga nakalab-ot ang ila nga tiyo sa Roxas City.
Posible nga wala sini madiparahan ang nagapadulong nga bus liner nga ginamaneho ni Reynaldo Fernando Jr. kag ini ang nabunggoan sa may bahin sang Brgy. Lanot.
Gindala pa sa ospital ang biktima apang ini ang dalayon nga ginbawian snag kabuhi bangud sa mga kapilasan kag gasgas sa ulo kag lawas.
