Roxas City, Capiz- Ginareklamo subong sang mga residente kag naga-agi nga malapit sa Sitio Nipa Brgy Culasi ang tuman ka baho sa palibot nga dulot sang sinako sang litub nga ginbutang sa amu nga lugar .
Nahibaloan nga sang ginpadulongan sang news team, nakit-an ang sinako sang ginbulad nga mga litub.
Suno pa sa mga residente nga nahadlok ang mga ini magreklamo bangud sa kabalaka nga sila ang pahalinon sang tag-iya sang duta nga ila nahamtangan.
Base sa mga tagreklamo nga masobra na isa ka bulan ang baho nga ila gina-antos nga indi matakoran maski na nga ginatabonan pa nila sang ulonan ang ila ilong.
Samtang sa pihak nga bahin, wala naman direkta nga gin-ako ni Norma Arcangeles sang Brgy Punta Cogon nga siya ang nagapangbakal sang nasambitan nga litub.
Depensa sini nga siya lamang ang gintugyanan sang negosyante nga si Emilda Lim nga magpangbakal sang amu nga mga litub. Ini naman ang ginadala padulong sa Cebu.
