Human nabiktima sa pagdunggab niadtong nakalabyang kaadlawon sa Biernes atbang sa Happy Enterprises, brgy. Obrero ning syudad sa Butuan, nagsugyut si Leopoldo Makiling nga unta adunay Police kanunay mag-roving sa sentrong bahin sa syudad.
Si Matt and kagikan taga Lungsod sa Kitcharao apan karun nanimuyo sa Davao City.
Gisaway sa biktima ang mga personahi sa Police Station 2 tungod kay luyu nga duol ra sa Langihan Police Station ang lugar nahitaboan pakyas pa gyud ang kapulisan nga nakarespondi nsa hitabu.
Adunay Police Outpost duol sa lugar nahitaboan apan walay police nga naka-duty.
Sigun ni Leopoldo nga kung adunay police pa unta niadtong higayuna hayan nga dili siya mabiktima sa pagdunggab.
Gitandi pa niini ang kahimtang sa Butuan ug didto sa Davao city diin matud pa tungod sa ka hugut sa seguridad nga gipatuman didto luwas ang bisan kinsa bisan ug matulog pa sa terminal.
Nailhan na sa Police Station 2 ang usa sa 7 ka mga suspek nga gitudlong midunggab sa biktima’ng taga Davao city atbang sa Happy Enterprises, brgy. Obrero ning syudad sa Butuan bandang alas 2:10 ang takna sa kaadlawon.
Giila ang biktima nga si Leopoldo Makiling, hingkud ang panuigon kinsa na-igu sa likod nga bahin human gidunggab sa mga suspetsado samtang naghulat ug sakyanan padulong sa lungsod sa Kitcharao, Agusan del Norte.
Sa pagpanubay sa kapulisan naila ang usa sa mga suspek nga si Jessie Salva Jumawan, alyas “Gordon”, hingkud ang panuigon, adunay live in partner ug residenti sa Langihan Road, brgy. Holy Redeemer ning syudad sa Butuan.
Positibong naila si alyas Gordon human gitudlo sa nakasaski sa nasangpit nga insidenti, samtang padayun pa’ng giila ang laing 7 nga mga kaubanan niini.
Gihikay na ni SPO1 Jenious Sab-a, imbistigador sa Police Station 2 ang kaso nga ipasaka saa husgado batok kang Jumawan.
