Davao City- Gitunulan sa lokal nga kagamhanan og livelihood finanacial assistance ang mga biktima ug ang mga kabanay sa Roxas night bombing karon lang buntag.
Gipangunahan sa City Social Services and Development Office, City Treasurer’s Office, ug City Mayor’s Office ang paghatag sa financial assistance sa 68 ka benepisaryo nga gihimo sa Grand Men Seng hotel 10:00 sa buntag.
Sumala ni City Mayor’s Office Chief of Staff Atty.Raul Nadela, 50 mil pesos ang gihatag nga livelihood assistance alang sa pagsugod sa panginabuhian sa mga nabiling pamilya ug sa mga survivors.
Sigun ni Nadela nga gikuha ang financial assistance gikan sa 8 milyones ka pesos nga donasyon sa mga tawo nga nagdonar pinaagi sa City Government Facebook account.
Dugang sa opisyal, gawas sa financial ang lokal nga kagamhanan naghatag og scholarship program alang sa mga anak nga nawad-an og mga ginikanan nga namatay sa pagpamomba.
Dili pa masulti ni Nadela kung aduna pa ba’y laing hugna nga tabang ihatag ngadto sa mga benepisaryo.
Samtang ginapangandaman na usab ang unang tuig nga anibersaryo sa Roxas night market bombing kung asa 15 ka mga tao ang namatay ug 68 ang samdan niadtong buwan sa Setyembre 2, 2016. Mga miembro sa teroristang Maute group ang gitudlong responabli sa pagpamomba.
Kasamang Joel Viray
