Biktima sang pagpangluthang sa syudad sang Koronadal subong nga bulan sang Enero, apat na.

Apat na ka kaso sang pagpangluthang nga narekord sa syudad sang Koronadal subong nga bulan pa lang sang Enero, suno kay Police Supt. Ronald Allan Peñaverde, Chief of Police sang Koronadal PNP.
Lakip suno pa sa mga biktima ang isa ka security guard, vulcanizer, barangay kagawad kag ang ulihi ang balot vendor.
Samtang, isa suno pa sa mga motibo nga ila gintutukan partikular na sa security guard amo ang posibilidad nga may nakaaway ini, samtang ang sa vulcanizer naman nga nakalampuwas kilala sini ang suspek nga nagtiro sa iya.
Dugang pa nya sa kaso naman sang barangay kagawad, may motibo na suno pa sila nga ginatutukan, apang sa balot vendor, druga kag anay sini kaso nga murder.
Dugang pa ni Peñaverde indi pa nya makabig kon isa lang ang suspek sa apat ka insidente sang pagpangluthang bangud wala pa niya nakaptan ang resulta sang ballistic examination sang PNP crime laboratory kon bala isa lang ka armas ang gingamit sang mga suspek.