General Santos City–gikumperma ni Police Chief Inspector Patrich Elma, Hepe sa Police Station 2 nga ang biktimang si Hamsa Saway kansa napusilan patay niadtong Martes sa buntag sa may Purok Maguindanao, Barangay Labangal ang kanhi na nilang nahimong subject sa seach operation.
Apan iyang giklaro nga negatibo sa armas ang panimalay ni Saway dihang gihimo ang maong operasyon.
Nasayran nga gipusil patay ang biktima dihang nagpaayo kini sa iyang sikad sa maong lugar diin nadamay pa ang mekaniko nga si Jason Ortillano human nga miapos ang bala sa lawas sa biktima ug nilahos ngadto kang Ortillano.
Gikumperma usab ni PCI Elma nga si Saway suspek usab sa pagpatay sa usa ka pulis niadtong mga nakalabayng bulan.
Gani gikasuhan na ang nahisgutan sa Police Station 1 kansa maoy naggunit sa kaso sa pulis.
Sa karon nagpadayon ang gihimong imbistigasyon sa awtoridad kalabutan sa maong insidenti.
