General Santos City–Blangko si Banay Alano, 44 anyos, matadero sa Gensan Slaughter House, kansa usa sa napusilan alas 12:00 ang takna sa tungang gabie sa motibo sa pagpamusil ngadto kanila nga gikamatay sa iyang kaubanan nga si Alger Sumundong, legal age, nanimuyo sa may Purok Intake, Barangay Mabuhay, Gensan.
Sumala ni Alano nga samtang sila nangape kalit lang miabot ang tulo ka mga suspek dayon gipamusil ang mga nasangpit.
Si Sumundong maoy napuruhan human nakaangkon ug igo sa iyang dughan nga bahin nga maoy hinungdan sa iyang kamatayon samtang siya nadamay lang sa maong insidenti.
Dako ang pagtuo ni Alano nga si Sumundong maoy target sa pagpamusil tungod siya man gyud ang gipunterya sa tulo ka mga suspetsadong responsable sa krimen.
Nasayran nga pag abot sa mga suspek wala na silay gisulti pa inay gideretso ug pusil si Sumundong.
Nakadagan pa ang biktima bitbit ang iyang sundang apan wala gihapon kini dag-anan tungod pusil may dala sa mga suspek.
