General Santos City—Padayon pa gihapon ang gihimong imbistigasyon sa Police Station 4 kalabutan sa pagpamusil patay saw ala pa mailhing biktima sa may mabuhay Road, Baranagy San Isidro Gensan alas 4:00 pasado ang takna kagahapong adlawa.
Subay sa report nga sakay ang biktima sa usa ka sikad ug pagnaog niini didto na kini gipusil sa wala mailhing suspek.
Nakaangkon ug mga samad ang biktima sa iyang lawas ug ulo nga bahin kansa gidala dayon sa ospital apan nakabsan gihapon sa iyang kinabuhi.
Diskripsyon sa biktima naka itom ug T-shirt, nakablue ug shorts, nakakalo ug nakapula ug tsenelas, anaa sa 5’6 ang gitas-on ug ginaba-banaang anaa sa 35 hangtod sa 40 ang edad.
Ang patayng lawas sa biktima nagpabilin karon nga anaa sa morgue sa Mindanao Medical Center.
