Biktimasa nahagsang eroplano sa Laguna, dad-on ang patayng lawas Roxas.

Roxas, ZDN-Tumang kaguol karon ang gibati sa pamilya sa mag asawang Erma ug Tom Carr, human nahagsa ang eroplanong gisakyan didto sa Brgy. Pansol, Laguna niadtong adlawng Domingo.

Si Erma uban ang iyang bana nga New Zealander nga si Tom Carr moadto unta kini sa Manila para magpatambal gikan diri sa Dipolog.

Gibutyag sa igsuon ni Erma nga si Sonia, niadtong Agosto 26 na ospital si Tom, tungod kay naglisod kini ug lakaw.


Pagka Agosto 30 subli kining na ospital tungod kay naglisod kini paglihok sa katunga sa iyang lawas.

Sa gihimong CT scan, nakita nga adunay bukol sa ulo si Tom hinungdan nga gitambagan kini nga mopailawom sa operasyon, hinungdan nga miadto unta kini sila sa St. Luke’s Medical Center didto sa kaulohan.

Pero wala unta kini sila tugoti nga mo byahe apan mipirma ug waiver si Erma hinungdan nakadayon sila pag adto sa kaulohan uban ang duha ka doctor.

Ang mag asawang Carr nahidangat kini sila sa lungsod sa Roxas niadtong bulan sa Marso ug nakatakdang mo balik karong setyembre 20 didto sa New Zealand.

Magul-anon usab ang nag-inusarang anak niini nga atua sa New Zealand nag trabaho sanglit isaulog unta ang adlaw natawhan niini niadtong Setyembre 2.

Karong adlawa myerkules nakatakda nga ipauli ang patayng lawas sa mag asawang Carr didto sa lungsod sa Roxas.

Facebook Comments