MOISES PADILLA, NEGROS OCCIDENTAL – Duha ka mga lalaki nagdwelo, pusil vs. binangon may mga las 12:24 sini gid lamang nga tungang gab-i sa Brgy. Inolingan, banwa sang Moises Padilla.
Nakilala ang mga biktima nga sanday Rogelio Estepano, 45 anyos, kasado kag Josie Odtohan, 33, kasado man kag lunsay pumuluyo sang amo nga lugar.
Suno sa pagpangusisa, nag-away ang duha matapos sang ila pagbayluhanay sang mga malain nga istorya nga nagtuga sang kaakig ni Odtohan.
Bangud sini, nalab-an ni Odtohan si Estepano nga naigo sa iya guya kag tuo nga kamot, samtang nagbalos man si Estepano pinaagi sa pagtiro kay Odtohan nga naigo naman sa iya wala nga kamot.
Lunsay ginpangdala sa Corazon Locsin Montelibano Memorial Regional Hospital ang duha./dyHB BACOLOD
