Trak natumba, helper patay

229

TALISAY CITY, NEGROS OCCIDENTAL – Isa ang patay, isa man ang nasamaran sang aksidente nga natumba ang isa ka truck kahapon sang hapon sa unhan sang Campuestohan Highland Resort, Talisay City.

Ang napatay ginkilala lamang kay Jerwin, 48 anyos ang edad, pumuluyo sang Brgy. Concepcion, ciudad sang Talisay kag helper sang amo nga truck.

Samtang, nasamaran naman ang driver nga si Bimbo Cañete, 38 anyos, tumandok sang Brgy. Bato, Sagay City.

Suno kay Cañete nga ini sila ang naghalin sa quarry agud magkarga sang balas apang sang ang iya truck ang nagapadulhog na, nadulaan ini sang preno gani sang iya gintursi ang salakyan, ini ang natumba.

Dead on arrival sa Corazon Locsin Montelibano Memorial Regional Hospital ang biktima nga si Alyas Jerwin, samtang nag-angkon naman sang pilas sa iya wala nga kilay si Cañete./dyHB BACOLOD

Facebook Comments