Santiago City – Timbog ang isang lalake matapos magsagawa ng operasyon ang pinagsanib pwersa ng PNP at CIDG Santiago kahapon sa Brgy. Mabini Santiago City.
Sa impormasyong ipinaabot sa RMN Cauayan, kinilala ang suspek na si Benjie Dela Cruz Domingo, tatlumpu’t walong taong gulang, walang asawa, empleyado ng isang pribadong kumpanya at residente ng Barangay San Isidro, Jones, Isabela.
Nakuha mula sa pag-iingat ng suspek ang hindi lisensyadong caliber 9mm pistol, dalawang magazines na may lamang dalawampung pirasong bala at isang cellular phone.
Kasalakuyang nasa kustodiya ng CIDG Santiago ang suspek para sa karagdagang imbestigasyon at disposiyon at nahaharap sa kasong paglabag sa Republic Act 10591 o Comprehensive Fire Arms and Ammunition Regulation Act.
