Kalibo, Aklan — Kritikal makaron rong kahimtangan sa Intensive Care Unit (ICU) it sangka 17-anyos nga binatilyo matapos ginasugid aksidenteng inigo it bala kung boga kahapon it hapon sa Sitio Hapay-Hapay, Brgy. New Buswang, Kalibo, Aklan.
Nakilaea ro biktima kay Christopher Orfanel nga nakaangkon it tama sa ueo, samatng rong ginaturong suspek hay si Eljay Illavera, 25-anyos mga construction worke, tanan residente it nasambit nga barangay.
Sa pakikipag-angot it RMN DYKR kay Eljay nga kahapon it hapon hay idto sanda sa 3rd floor it andang gina ubra nga building sa may Brgy. Andagao hay nakita na rong boga sa likod it pertahan ana nga ginbuoe ag ginkalikot rason nga eompok ag inigo ro biktima nga sa makaron hay una pa ro holen sa anang ueo.
Insigida man nga nadakpan rong suspek ag naka detained eon makaron sa lock up cell it Kalibo MPS ag naka taeana nga iga inquest makaron nga adlaw.
