Binulang allowance sa Paaral Para sa Sarangan Scholarship Program sa Sarangani mas gipadak-an

General Santos City–Mas gipadak-an pa ang binulang allowance nga madawat sa mga scholar sa P.P.S.S. kon Paaral Para sa Sarangan Scholarship Program sa probinsya sa Sarangani

Segun ni Glend Revanio, ang program manager sa PPSS, tinguha gayud matud pa ni Governor Steve Chiongbian Solon nga daghan pang makahumang kabataang Sarangan nga makakuha og kurso aron mahimong professional og makalingkawas sa kawad-on sa pamilya. Makadawat karon nga school year ang ginatawag nga “full scholar” og Tres Mil ka pesos (P3k) matag bulan nga subsistence allowance may magamit sa pang-kunsumo, P500 pesos nga monthly transportation allowance alang sa pamelete, og P2,500 ka pesos nga book allowance matag semester pangpalit og mga libro.

Karong tuiga lang, muabot tanan og P33 Milyones ka pesos ang gi-alokar nga pondo sa Sulong Karunungan program alang sa pag-ayuda sa edukasyon sa tibuok Sarangani Province.