Ginaapela sang pamunuan sang Department of Environment and Natural Resources Biodiversity Management Bureau ukon BMB-DENR 12 sa publiko nga indi mangdakop sang migratory birds.
Suno kay BMB-DENR 12 Regional Director Datu Tungko M. Saikol ginpaggwa ang nasambit nga advisory sang ahensya tungod sa pagdagsa sang mga migratory birds sa bansa umpisa sang Setyembre kag ginalauman nga magabalik sa ila nga breeding grounds sa Marso sa masunod nga tuig.
Panawagan ni Saikol sa publiko nga protektahan ang mga migratory birds kag ginapahanumdom sini sa mga pumuluyo nga ang illegal hunting sang mga ini ang pagbayolar sa “Wildlife Resources Conservation and Protection Act.”
Suno kay Saikol nga ang mga migratory birds kapareho sang wild ducks, gulls kag shorebirds ang madali nga malatnan sang avian influenza virus ukon Avian flu.
May-angot sini ginaadvice ni Saikol sa publiko nga indi kaptan ang mga patay nga wild birds nga makit-an malapit sa mga wet lands kag ireport sa pinakamalapit nga talatapan sang DENR.
Ginaawhag niya man ang mga pumuluyo nga ireport ang mangdakop, mangsakit ukon may iligal nga mga buluhaton batok sa mga migratory birds.
