Davao City – Nagpahinumdom karon ang Bureau of Internal Revenue (BIR) sa tanang mga tax payers nga kanunayng bantayan ang deadline sa pag file sa ilang Income Tax Return (ITR) aron kalikayan ang multa.
Sa pakighinabi sa DXDC RMN Davao kang Christine Cameña, Group Supervisor sa Assessment Section and Revenue District Office sa BIR-XI, gisaysay niini aduna gayoy multa ang mga wala naka apas sa deadline niadtong Abril 15, 2019.
“Every now and then, bantayan gyud nila ang mga deadline sa ilang mga compliance requirements like filing of the returns kasi dako pud ang penalty nga i-impose sa BIR,” segun niini.
Gibutyag ni Cameña nga adunay multa nga 25% surcharge, ug 12% interest per annum ug compromise penalty ang pakyas nga naka file sa katapusang adlaw sa filing.
Dugang pa ni Cameña nga dili kaayo dagsa ang mga tax payers sa opisina sa BIR atol sa deadline tungod kay mamahimo nang muderitso sa pag file online ang mga walay bayrunon samtang pwede na usab nga muderitso sa bangko ang adunay bayrunon basta ma verify lamang TIN niini.
RadyoMaN Kirby Manzon
